يا صاحبي..

ياصاحبي الد نيـــــا حكايات وعـلــوم

......................... قصص عجـيبة تذهل اللي قراهـــــــا

الدنيا لو تضـــحك معك دايم الدوم

........................ خلك فطين ولا يــــــــهمك رضاهــــا

كم واحد تبني لـه أمـال وحلوم

............................. يفني وغيره يهتني في بناهــــا

ياما أفرحت قوم وأحزنت قوم

........................ وكم أعشقت عين وخانت غلاهــــا

ياصاحبي شفت أمس شف حالنا اليوم

....................... دنيا تقلب يكفي الله بلاهــــــــــا

اليوم لامنه بغت عيني النوم

..................... تنكدت روحــي وعافت كــراهــــا

ماكل من عـــلا بالأصوات مفهوم

......................... وماكل روح تلتقي في مناهـا

ماكل من يشكي معذب ومحروم

.....................وماكل من يضحك هـمـومـه نساهـــــا

بحر الحياة ان صرت ماتعرف العوم

............................... يرميك بغابه بعيد ه مداهـــا

من راح يستسلم من احزان وهـمـوم

............................. يموت حــي وحاجته ماقضاها

واجه هبوب الوقت بإيمان وعزوم

........................لا بد من ربك يهد ي هــــواهــــــا

واصبر إذا شمسك حجـب نورهـا غيوم

.......................... الغيم بتفرق ويشرق سناهــــــــــا