قصتي...اسطورة حب علي ونورا

انا اليوم حبيت اتشاركوني بقصتيه اللي كاتبتنها في فترة امتحانات الثانويه العامه السنه الماضيه...
واتمنى انها تنال على اعجابكم....

(( الحلقه الاولى))


قصتي هذي سوف تدغدغ احاسيس كل من يقرأها لانها قصة حب رومنسية حدثت في وقت اصبح فيه الحب سلعة تروج ، واصبح كل من يدعي الحب تاجر ويستبدل سلعته كل ما مل من السلعه القديمة ......


المهم ابطال هذي القصة اعطوا مفهوم آخر للحب حيث اصبحت قصتهم اسطورة بالنسبة للعديد من الاشخاص ....

البطلة : نـــــــــورا والعاشق : علــــــــــــي


نورا ابوها وامها مطلقين وكل واحد فيهم تزوج وعاش حياته ونورا عايشه مع أبوها وحرمته ........ نورا بنت حبوبه ومرحه وطيوبه ولكن هي ما تحب الشباب .... بأعتقادها ان كل الجنس الرجالي ماله أمان ((( وأنا أوافقها الرأي ))) .....
المهم انها وايد تقعد مع بنات عمتها الي اساميهن (( هيام و ميثه )) وبنات خالتها (( مي و ريم و مها )) كل البنات مؤدبات ما عدا [[ هيام و ميثه ]] الي متعرفات على شباب ...

ميثه حبيبها سيف ، وهيام حبيبها مطر ...... وسيف ومطر عيال خال .
المهم انهم في يوم من الايام اتفقوا الشباب مع البنات انهم يتلاقون ولكن البنات خافن ، لانه ما عندهن أحد يوصلهن ، ولكن اتذكرن نورا واتفقن .. أنهم كلهم يطلعون ,, وقامت ميثه واتصلت بـــ سيف وخبرته انهن بيروحن المول وبعدين بيروحن البحر ... وسكرت ميثه عنه وفــ اليوم الثاني مرت نورا على بنات عمتها وبنات خالتها وشلتهن وياها وراحن المول وتمشن .. ولكن ميثه وهيام ما شافن لا سيف ولا مطر وعصبن واتصلوا فيهن وهن طالعات من المول ...

هيام : (( آلوه ..... مطر ؟
مطر : (( يا عيون مطر .. آمري حبيبتي ؟
هيام :[[ لو صدق انك تبى تشوفني جان رحت المول يا الجذاب .. ]]
مطر : [[ لحظه عليه شويه عنبوا ما عطيتيني فرصه أدافع عن عمري ......]]
..... وفجأة سكت لأنه كان واصل المول يوم شافهن طالعات ....

مطر : (( حياتي انتن الحين تركبن السيارة صح ؟
هيام : (( هيه شدراك ... انته تشوفني ؟
مطر : (( هيه اشوفكن .. خلاص حياتي سكري لا أحد يسمعج وأنا بلحقكم وين بتسيرون ،، باي عمري))
هيام : (( ياويلك إذا سويت حركات
غبيه ... يلا بآآآي ))
و ركبت نورا السيارة وما انتبهت لأي شي وراحن الكورنيش وقعدن عند البحر .. والجو كان بارد ورومنسي وكل وحدة قامت تتمشى مع الثانية بروحهن ... ومي كانت يايبه عيالها الصغار وقعدت تلعبهم ... اما (( ميثه وهيام )) أشردن وراحن عند سيف و مطر ... وقعدن وياهم بعيد شوي عن اهلهن ... ويلسوا يسولفون وبعد ربع ساعه اتصل ولد خالتهم ((( علي ))) ورد عليه سيف ...

سيف : [[ آلوه ...]]
علي : [[ هلا بــ سواف ... أخبارك ؟ ]]
سيف : [[ بخير ونعمه ... و صوبك ؟ ]]
علي : [[ والله انا طفشان وبموت ملل , انته وين قاعد علشان امر عليك ونسير نتحوط شوي ]]
سيف : [[ والله انا قاعد مع مطر وحبيبته ,, وانا مع حبيبتي ]]
علي : [[ عيل الجو عندكم خطير .... يا ويل حالي ]]
سيف : [[ لحظه شوي علي ]] ...
,,,, ومسك سيف إيد ميثه وقالها :: [[ عادي أزقر علي علشان يقعد ويانا ؟ ]]
ميثه : [[ حياه الله بس المهم انه موثوق منه ]]
سيف : [[ أفاا عليج هذا اخويه وحبيبي أكيد ثقه ]]


... ورد سيف على ,, علي ,, وقاله بالمكان وانهم يتريونه .... وسكر عنه وشوي ووصل علي على الكورنيش وكان يرمس سيف علشان يخبره وين قاعدين يوم مرت من حذاله نورا وهي تلاحق ولد مي عن ايطيح فــ الماي .... ووقف ساكت ويطالعها وسيف معلق ع الخط وسكر الفون لانه شافهم وين قاعدين وراح صوبهم وهو بعده مذهول من الي شافه وقعد وياهم وهو باله مشغول سأله الملقوف مطر :
[[ شو بلاك علي شو مستوي فيك ؟ ]]
علي : [[ وأنا ياي صوبكم شفتلكم وحده حرام أوصفها لان الوصف بحقها قليل ]]



ضحكوا عليه الشباب وقالوله : (( اكيد رقمتها ))

علي : (( اعتقد انه هذا الحب من أول نظره مثل ما يطلعونه في التلفزيون .

مطر : (( لو كنت ما أعرفك بقولك عشقان ... بس انته الله يخليك نص بنات البلاد لاعب عليهن ...))

علي : (( بس اعتقد انه هالمره غير ... لانها شلت عقلي ))

مطر : (( علي انته زين ما يسجنونك على كثرة مغازلك وانته كل مره اتقول هذي غير ياخي سمعنا غير هالشريط ))

علي : [[ انته شعرفك بالحب وانته كل شهر مبدل وحده ]]
... سكت مطر واطالع هيام وغمز لــ علي بأنه يبدل كلامه ....

ميثه : (( تقدر اتغير السالفه ))

وفجأة علي قال : [[ هذا الولد الي كانت تلاحقه البنت اكيد هي بتكون قريبه منا هلحين ]]
,,, وشوي وشافها شاله الولد تبى توديه عند امه ...

وصرخ علي : [[ شباب اطالعوا بسرعه هذي الملاك الي ارمسكم عنها ]]

,, التفتت ميثه وشافت انه البنت الي يقصدها علي هي نورا بنت عمتها ,, ولفت ميثه ويهها بسرعه وقالت : (( هياموه التفتي بسرعه شوفي منو الي يقصدها علي ]]

,, هيام شافت نورا ’’’ هيام : [[ غطي ويهج يا الذكيه قبل ما تشوفنا وتسويلنا فضيحه ... وغطن ويهن واستغربوا الشباب من تصرفهن الي يدل على انهن يعرفنها .. وراحت نورا عند بنات خالتها ... وبعدين ميثه وهيام شلن الغشاه عن ويهن ...
سألهن علي : [[ انتن تعرفنها منو هذي ؟ على الاقل خبرني شو اسمها ؟ ]]

هيام : [[ نحن ما نعرفها وكل الي نعرفه انه اسمها نورا ]]
علي : [[ فديـت هــ الاسم والله ]]

وقعدوا يسولفون لحد ما خذتهم السوالف ومر الوقت واتصلت نورا بـــ هيام وخبرتها انهن بيروحن بسرعه ... راحن عندها وبعد عشر دقايق من ركوبهن السياره ... قامت هيام تفهم ميثه انه من المستحيل بأنه نورا توافق انها ترمسه أو تحبه .... لانها مشكلتها العظمى انها ما تحب الرياييل وما توثق بشي اسمه الحب ... وردت ميثه بأنها بتتصل بسيف وبتخبره بأنه يبعد علي عن نورا قبل ما تستوي المشاكل ........ إلخ

انتبهت نورا انه هيام وميثه يتهامسن بالكلام وسألتهن وهي تضحك : [[ بنات شو مستوي الي مخلينكن مندمجات في الرمسه ومتفاعلات ؟ ]]

ضحكن وقالن : [[ سلامتج مافي شي ...... ]]

هيام : [[ نورا خلج من سوالفنا وانتبهي للدرب ترى نحن ما بايعين أرواحنا فديتـتج ]]

ميثه بصوت خفيف وهي ترمس هيام : [[ الحين لو تعرف عن شو نرمس والله لتذبحنا ]]

.... وفي هذي الفترة كانوا الشباب قاعدين جمعه ويسولفون لحد ما اتصلت ميثه بسيف علشان اتفهمه بالسالفه .... قام سيف من مكانه وراح بعيد عن الشباب ورد عليها ...

سيف : [[ هلا عمري ]]

ميثه :[[ سواف دخيلك اريدك اتحل المسأله ]]

سيف : [[ اتعرفيني انا مب فالح فالرياضيات علشان احل المسأله هع هع هع هع هع هع ]]
ميثه : [[ سيف انا هلحين قاعده ارمسك بجد ]]

سيف : [[ ترمسيني جد والا عم هع هع هع هع هع ]]

ميثه : [[ والله انك فاضي وما عندك سالفه ]]

سيف : [[ فاضي والا مليان هع هع .... انتي عصبتي ؟ ]]

ميثه : [[ يوم تستوي عاقل رد اتصل فيه يلا بآآآي ]]

,,,, وسكرت فــ ويهه وهو تم يضحك ورد يتصل عليها ...

سيف : [[ Sorry قولي شو عندج بحاول اسمعج ]]

ميثه :[[ بعدك الا بتحاول ؟ سيف دخيلك اسمعني ]]

سيف : [[ قولي تراني اسمعج شو اشمج ؟ ]]

بدي رايكم شو molham

اي يعني ما في كفاية للقصة ولا شو لأنو انا متشوئة اعرف الكفاية وينها