حوار مع قلبي..

ياقلب وش هي السالفة ؟


وياك هي متحالفة ؟


اسمع كلامي للأخير


حبيبتك !!


لقت حبيب .. وحالفة


ما تتركه مهما يصير


ياقلب طاوعني تعال


حبيبتك وهم وخيال


هذي تراها خاينة


اي خاينة !!


لقت حبيب .. وحالفة


ما تتركه مهما يصير


********


ياقلب طاوعني تعال


وأنا أوعدك


بكرة تلاقي موعدك


انسى هواها وابتعد


وشف غيرها


الله وش كثر البنات


تذكر عبير وعايشة


تذكر أمل


ولا سمر


تذكر حنان الطايشة


قمة تواصيف الجمال


يسوونها وأكثر بعد


ياقلب طاوعني تعال


********


قلبي عنيد


عيا يطواعني ويجي


نبضات قلبي خانته


ما صانته


رحنا ندور بيتها


وهو يهمهم بالطريق


ياليت ترجع ليتها


ومن شافها


استجمع قواه


بس للأسف


نبضات قلبي خانته


ما عانته


حتى موسيقى نبرته تغيرت
وهو يكلم طيفها


وسمعت دقاته تقول:


على فكرة .. حبيبك وين ؟


أبي اوصيه


عيونك لايضايقها


أبي منه يدللها


ويحفظها


ويهديها ورود الكون


ابي اقله تراها شاعريه حيل


وحساسة


أمانه لاتجرحها


وابي منك طلب واحد


دخيلك لاترديني


دقيقة بس تكفيني


أبي نظرة أخيره


قبل نتوادع


انا رحّال


وموادع


انا رحّال


عن الدنيا وما فيها


زادت حيل ضيقاتي ..


ونبضاتي


بدونك من يسليها


وبعد موتي


على قبري


دموعك لاتهليها
*******
اتمنى ان تنال شيئا من استحسانكم

بقلم اعز اصدقائي..