تعال يالي خاطرك مني زعلان ~

تعالي ياللي، خاطري منكي زعلان!
ابيكي ترضيني، ولو.. بابتسامه..

صحيح اخذت بخاطري! وانتي غلطانه
.. وش عيشة المخلوق! دون احترامه!

صحيح احبك موت، واعشقك باجنان..
للحب شي! ولاحترامي مقامه!

ياليت كل انسان، يهواله انسانه!
ما يجرحه حتى وهو في منامه..

ماهو يزيده همّ، وجروح، وأحزان؟
ويعيشه بين العتب، والملامه..

ودي أجيك من الوله حيل! عطشان!
وتروي خفوقي، يالغلا من غرامه..

ودي أجيلك، وارتمي بين الاحضان..
ويذوب قلبي، من دفاكي.. وهيامه!

ودي احسك، من عنا الشوق ولهان..
ويضيع قلبي، من حلاكي بكلامه..

ياللي خدودك، مالها وصف، وألوان..
ياللي تذوّب، في خطاكي الحمامه..

ياللي لعينك، ينتحر صف غزلان..
ياللي لحلاكي الليل، يرمي لثامه..

ياللي جمالك، تنفتن فيه.. نسوان!
يا ذروة احساس الخفوق، ومرامه..

صحيح احبك موت، واعشقك باجنان..
للحب شي! ولاحترامي مقامه!