عضو على الهواء مباشره ^ـــ^

بسمالله الرحمن الرحيم
يسعدمساكم / صباحكم

انواليوم خطرت ببالي فكره ،،يعني أنا وأعوذ بالله من كلمة أنا يعني والله لو ماخطرت بالي أنا ومو فكرتي أنا ماكنت قلتلكون ياها بتعرفوني مين أنا <<خلصيانا شو غليظة
^^بس ماتكونو قريتوا هالمقدمة البايخه لك إذا أنا إلي كتبتا ماقريتها انتو عاملين فهماعم تقروها خخخخ

لالا من دون مزح أنا يا جماعة حبيت اطرح مجموعه أسئلة يعني مشان نتعرف ع الأعضاء
بس بعرف الكل كسلان حتى مابكلف خاطرو يقرا الأسئلة يمكن هههههههه
(أولكم مديرنا الكريم مع احترامي مستر ههههههه عراسي )

أولاً::...الفكــــرة
المهم الفكرة إني أنا بكتب الأسئلة وبطرحها على شكل مقابله <<يعني هي هوايتي أنا المقبلات ههههههـ
وبختار عضو وبستضيفو على برنامجي <<أل يعني
وغصبن عنو بدو يجاوب يعني لأنو على الهواء مباشرة راح نكون

ثانياً::..شروط
1-أذا حس الشخص انو السؤال خاص فقدامو طريقين
ياإما يجاوب ،،يا إما يجاوب<<لالا بلا هي بعرف بايخه
عنجد إلي بحس شي خاص لا يجاوب ع راحتكون
2-يعني بليز بلا أجوبه غامضة و دبلوماسيه ،،
يعني بيكون سؤال لنتعرف عليك بتجاوب جواب بفوتنا بالحيط اكتر
3-واخيراً يعني بلا مسخره على أجوبة الغير <<أسلوبي حلو ما هههههههـ

ثالثاً:::..الفائدةمن الموضوع
1- منتعرف على بعض اكتر
2- انو يعني مشان بمارس هوايتي تقديم البرامج خخخخخ
3- ومنو بيصير شويت نشاط بالمنتدى يعني ..

وبس هي كل القصة
بالأخر إذا الفكرة ماعجبتكم قولوا إلي بدو يجامل بدبحو
مشان مابلش وتعب حالي اوكيشن حبايب ،،

اي اي اي اي اي اي اي اي اي اي اي اي اي اي
تؤبري البي هاتي بوسة من بين عيونك ع هالفكرة ..
دخي الذكي ... ولك دخيل البك يا كعوكة يا حلوة ..
موافقة Smile

مشكورة ..

ياااااا ميت هلاااا
وهي اول عضوه موافقه خلص راح بلش <<ماسدقت هههههه
بعيد الشر عن قلبك بسكويتي
تسلميلي وصت البوسه ^ـــ^
منووووووره
والله خشلتيني ،،

والله فكرة شغلة
وعنجد انا يلي لفت نظري هو تنسيق الموضع والله حلو
تسلم إيديلك
وعم نستناكي مشان تختاري العضو

أهيا وسهياً والله

الاحلى مرورك أوكي ،،

أحبتي الأعضاء

سأبدأ بإذن الله

العرض الأول لبرنامجي بحضوركم تحلو الحلقه

ترقبوني مع ضيفي يوم الأربعاء ،القادم الموافق 27 /10 /2010

( SUNJAN)

مديرناا ،،

احم احم طبعا اول مرة بحكي لغه عربيه وهيك حيكون البرنامج
المهم عرفتو مين الضيف
ممكن يكون في حدا عبالو يسأل المدير سؤال وانا مابعرفو
لذلك يرسلي السؤال ع الخاص
وانا بقدمووو بطريقتي بالأسئله ،،ومعكون فرصه للأربعاء
اتفقنا حبايب ،،، بشوفكم على خير

[/center]

يعني من هون للاربعاء نسأل .. ولا من هون ليوم الاربعاء نجمع اسئلة مشان نسألها يوم الاربعاااااااااء <<<<<ولي عليكي شو سئيلة ^^
ههههههههههههههههههههههه ما بحب عقد الامور بطبعي ^^..
مشكورة عالموضوع .. ورح نبلش تبقا ..
سلاام !

لالا

ازا عندك سؤال مابتكتبي هوون

ابتعتي الي لكعكه على رسالة خاصة

منووووره ...

حاضر

وانا جاهز
بس انشالله أحسن أفتح النت الاربعاء Smile

منورين

برب وبطرح الاسئله Smile

أمل حياة ،،ولقاء يتجدد ،،..اليوم أحبتي

مرحباً بكم في الحلقة الأولـــى من برنامجي الكتابي(بدال إذاعي )

عضو على الهواء مباشرة ،،في إذاعتكم كريزي على الاف ام (خخخخ)

سأبدأ من جديد بفكرة قد تكون مقتبسه عن موضوع زميلتي (ام البساكيت )

ولكن بصياغة جديدة ليكون اللقاء مجدد ولنكون أقرب لأعضاءنا هنا

اليوم ومن طاولتي وبين اوراق اسئلتي وعلى عيون جمهوري وعلى الهواء مباشرة نرحب بضيفي

الذي لطالما تألق وتميز ،، ربما بمروره البسيط ولكن له روعه خاصة،،ومؤكداً لأنه جمعنا في هذا

المكان ..>>بالله شو رأيكون بهالمقدمة والله متعوب عليها ههههههـ

رحبو معي بالسيد ( sunjan )

أهلين فيك ماي برذر منورنا اليومJ

........

حابه نبدا بتعرف بسيط عنك ولو انو الكل بيعرفك ^ــ^

خبرني اسمك /

عمرك بالدقيقه هههه/

أنو صف صرت ياشطور /

بعد ماتعرفنا عليك شو رأيك تخبرني عن شعورك أول ماعرفت اني راح استضيفك <احم احم؟؟

راح ابعد شوي عن السطحيات وممكن ندخل بحياتك الخاصة <يعني مو خاصة كتير هع هع
1-في روايه سابقه ذكرت أن أقرب الأصدقاء لك هو (صدّيق ) وكان هالشي واضح والكل بيشهد ،، بس من فترة كتير ما شفنا مع العلم انو كان ادارة وكان شعله بالمنتدى ,فسري هالشي وهل الو علاقه بصداقتكون ؟؟؟

بالأوراق القديمة لقيت معلومة عنك ،،ماراح احكي عنها!! بس هي ألهمنتي سؤال:d

اذا فكرت بيوم أن تترك حبيبتك .مابرأيك سيكون السبب؟

اذا شفت بيوم دموع حبيبتك وكنت انت السبب ،،شو شعورك بصراحة؟

ونطلع من هالإطار وندخل بإطار العلم الي مابتحبو على ما اظن ههههههـ

1- طموحك ولاتقلي بالنت بدبحك هاد مو طموح ؟

2- شو المرتبه العلمية بتتمنى توصلها؟

3- شو رأيك بالمنهج الجديد ازا عم تدرسو ولو مو عاجبك قلي لغيرو هع ؟

4- بدي تسرح للحظه و تخل حالك مكان نيوتن ،،يعني مثلا مثلا نقول
شو راح تعمل ازا هيك اكتشفت اكتشاف من شغله تافه متل وقوع التفاحه <سؤال تافه هههههه

5- احم هاد اختبر معلوماتك اشرح البيت التالي متى واين ولماذا

قال الشاعر

(مكر مفر مقبل مدبر معاً كجلمودِ صخرٍ حطه السيل من علِ )<<عم امزح

وبعدين بدي منك تفضل تشرب كاسة هالعصير لتروء ومنرجع منكمل بعد الفاصل

عضو على الهواء مباشره ^ـــ^ 7686.imgcache

عضو على الهواء مباشره ^ـــ^ 7686.imgcache

مرحبا فيكم اعزائي المشاهدين من بعد الفاصل

حابه أعرف رأي ضيفي بهالكم فيلسوف وهالحكم

كلنا من نعرف انو تجري الرياح بما لاتشتهي السفن أكيد ،مشيت الريح شي يوم عكس

الي بتتمناه سفينه عمار ؟

الصبر مفتاح الفرج / بس بعض الأحيان بيطفح الكيل ويمكن مابعود في محل للصبر

ايمت مر عمار بهاللحظه ..وشو الشي الي ازا صار بخلي يفقد صبرو ؟

<سؤال مو مقتنعه فيه لأني بعرفك عطول رايق هههههه

قال (الأذن تعشق قبل العين أحيانُ) شو رأيك بهالمقوله ..ويمكن هي مناسبه لحب النت فشو رأيك بالتنين ؟

هي خصوصا الك عماروو ههههه
(الألقاب ليست سوا وسام للحمقى والرجال العظام ليسو بحاجه لغير اسماءهم ) شو رأيك هههههههه؟

بعد هالفلسفات والاسئله الي مدري شلون جهزتون هههه
كم سؤال خفاف
شو بتعمل قبل ماتنام //
شو بتعمل قبل الغدا //
وشو اسم موبايلك ازا في //
وشو أكتر أكله بتحبا //
واكتر عصير//

وهيك ختامها مسك بهالسؤال
قال تعالى : ( وقضى ربك ألا تعبدو الا اياه وبالوالدين احسانا اما يبلغن عندك الكبر ..) الى اخر الايه
بدي منك كلمة من البك بجد لأغلى شخصين بالدنيا أمك وأبوك ؟؟

بتشكر كتير قبولك لدعوتي مسيووو عمار
كنت سعيده باستضافتك
وبحب أختم حلقتي بغنيه للمستمعين <<داخله جو بالمقابله ههههههه
تصبحووو على الف خير

ملاحظه سيد عمار بتنسخ كل سؤال بتجاوب عليه
ولا بربي بزعل منك حاج كسل ايوا

لمعى وين بدي لحق جاوب يلا بعين الله
رح حط الجواب تحت كل سؤال Smile

كعكه كتب:: أمل حياة ،،ولقاء يتجدد ،،..اليوم أحبتي

مرحباً بكم في الحلقة الأولـــى من برنامجي الكتابي(بدال إذاعي )

عضو على الهواء مباشرة ،،في إذاعتكم كريزي على الاف ام (خخخخ)

سأبدأ من جديد بفكرة قد تكون مقتبسه عن موضوع زميلتي (ام البساكيت )

ولكن بصياغة جديدة ليكون اللقاء مجدد ولنكون أقرب لأعضاءنا هنا

اليوم ومن طاولتي وبين اوراق اسئلتي وعلى عيون جمهوري وعلى الهواء مباشرة نرحب بضيفي

الذي لطالما تألق وتميز ،، ربما بمروره البسيط ولكن له روعه خاصة،،ومؤكداً لأنه جمعنا في هذا

المكان ..>>بالله شو رأيكون بهالمقدمة والله متعوب عليها ههههههـ

رحبو معي بالسيد ( sunjan )

أهلين فيك ماي برذر منورنا اليومJ

........

حابه نبدا بتعرف بسيط عنك ولو انو الكل بيعرفك ^ــ^

خبرني اسمك /
أسمي عمار

عمرك بالدقيقه هههه/
عمري 14 و 10 أشهر يمكن هيك والله مابعرف
أنو صف صرت ياشطور /
صف عاشر

بعد ماتعرفنا عليك شو رأيك تخبرني عن شعورك أول ماعرفت اني راح استضيفك <احم احم؟؟
والله كيفت انو الانسة بسكوتة ببرنامجها رح تستضيفني ماصدقت

راح ابعد شوي عن السطحيات وممكن ندخل بحياتك الخاصة <يعني مو خاصة كتير هع هع
1-في روايه سابقه ذكرت أن أقرب الأصدقاء لك هو (صدّيق ) وكان هالشي واضح والكل بيشهد ،، بس من فترة كتير ما شفنا مع العلم انو كان ادارة وكان شعله بالمنتدى ,فسري هالشي وهل الو علاقه بصداقتكون ؟؟؟
لا لا مالو علاقة بس هو كان جهاز الكمبيوتر عندو عطلان لهيك ماعم بدخل
بس انشالله عن قريب

بالأوراق القديمة لقيت معلومة عنك ،،ماراح احكي عنها!! بس هي ألهمنتي سؤال:d

اذا فكرت بيوم أن تترك حبيبتك .مابرأيك سيكون السبب؟
انا تركتا و خلصت والسبب خاص

اذا شفت بيوم دموع حبيبتك وكنت انت السبب ،،شو شعورك بصراحة؟
ماعندي حبيبة حاليأ لحتى يكون في بجاوب ع السؤال

ونطلع من هالإطار وندخل بإطار العلم الي مابتحبو على ما اظن ههههههـ

1- طموحك ولاتقلي بالنت بدبحك هاد مو طموح ؟
طموحي خاص شوي

2- شو المرتبه العلمية بتتمنى توصلها؟
الدكتوراه

3- شو رأيك بالمنهج الجديد ازا عم تدرسو ولو مو عاجبك قلي لغيرو هع ؟
فاشل

4- بدي تسرح للحظه و تخل حالك مكان نيوتن ،،يعني مثلا مثلا نقول
شو راح تعمل ازا هيك اكتشفت اكتشاف من شغله تافه متل وقوع التفاحه <سؤال تافه هههههه
والله مابعرف

5- احم هاد اختبر معلوماتك اشرح البيت التالي متى واين ولماذا

قال الشاعر

(مكر مفر مقبل مدبر معاً كجلمودِ صخرٍ حطه السيل من علِ )<<عم امزح

لا لا انا أبدأً لا تدخليني بالشعر أو الحكم أو أي شي اانا مابعرف بهيك شغلات

وبعدين بدي منك تفضل تشرب كاسة هالعصير لتروء ومنرجع منكمل بعد الفاصل

[color=black]

مرحبا فيكم اعزائي المشاهدين من بعد الفاصل
اهلين فيكي

حابه أعرف رأي ضيفي بهالكم فيلسوف وهالحكم

كلنا من نعرف انو تجري الرياح بما لاتشتهي السفن أكيد ،مشيت الريح شي يوم عكس

الي بتتمناه سفينه عمار ؟
مابتزكر أنو مشيت بعكسي مابتسترجي

الصبر مفتاح الفرج / بس بعض الأحيان بيطفح الكيل ويمكن مابعود في محل للصبر

ايمت مر عمار بهاللحظه ..وشو الشي الي ازا صار بخلي يفقد صبرو ؟

<سؤال مو مقتنعه فيه لأني بعرفك عطول رايق هههههه

أي مريت كتير بهيك شغلات بس انا وقت عصب أو يطفح الكيل عندي مابعمل شي بس أبداً أبداً ابداًَ مافينك تتصوري شو بصير معي من جوا

قال (الأذن تعشق قبل العين أحيانُ) شو رأيك بهالمقوله ..ويمكن هي مناسبه لحب النت فشو رأيك بالتنين ؟

أبداً انا ضد كتير وحب النيت شو هاد هه ابداً انا معارض ع هيك شغلات
هي خصوصا الك عماروو ههههه
(الألقاب ليست سوا وسام للحمقى والرجال العظام ليسو بحاجه لغير اسماءهم ) شو رأيك هههههههه؟
لا تعليق

بعد هالفلسفات والاسئله الي مدري شلون جهزتون هههه
كم سؤال خفاف
شو بتعمل قبل ماتنام //
قبل مانام بحط الساعات بدانيي و بعلي الصوت و بسمع كم غناية
شو بتعمل قبل الغدا //
انا ماعندي قت محدد للغداء إيمت ماجعت باكل خ
وشو اسم موبايلك ازا في //
انا موبايلي nokia 2700 c
وشو أكتر أكله بتحبا //
انا بحب معكرونة باشميل كتير
واكتر عصير//
مابشرب عصير كتير بس بحب البرتقال

وهيك ختامها مسك بهالسؤال
قال تعالى : ( وقضى ربك ألا تعبدو الا اياه وبالوالدين احسانا اما يبلغن عندك الكبر ..) الى اخر الايه
بدي منك كلمة من البك بجد لأغلى شخصين بالدنيا أمك وأبوك ؟؟

والله أسف بس عنجد مافي ابداً أي كلمة بتوصف شعوري عنجد مافي
بس بقول ربي أرحمهما كما ربياني صغيرا

بتشكر كتير قبولك لدعوتي مسيووو عمار
اهلا وسهلا
كنت سعيده باستضافتك
ونحنا أسعد
وبحب أختم حلقتي بغنيه للمستمعين <<داخله جو بالمقابله ههههههه
تصبحووو على الف خير
وانت من أهلو

ملاحظه سيد عمار بتنسخ كل سؤال بتجاوب عليه
ولا بربي بزعل منك حاج كسل ايوا [/
color]

هههههههههههه

عمار
واحد،، تنين ،،،تلاته

بدي ادبحك أخي ههههههههـ

مبسوط قلتلي ببرنامج بسكوته بسيطه هههههههههه

انووو يعطيك العافيه عزبناك والله

هههههههههههههههههههههههههههههههههههههههههههههههههههه
نؤبري البي يا كعكة مألذك ..
يا خيتوووو وليش دايق عينك اذا الصبي بدو يشكرني <<< كذبت الكذبة وصدقتا ^^
هههههههههههههههههه والله ردود حلوة .. بس في تعليق .. عمار مانو واضح .. بتحسي اد ما جاوب .. غامض يا اختي غامض <<<<<<< عم تتفهمني يعني ال .. اي سكتي وطلعي من هون Smile

..

هههههههههه مشكورين عم نستنى التشريح التاني ^^.

مشكور ع المرور <<صار صاحب الموضوع هع

لا تكون مصدق حالك ها ..
مشكور عالمرور جميعا <<< ال يعني انظم ^^

بصراحة هل المرة بشكركم من كل قلبي بصراحة أكترهاد بصنفو بين البرامج التلفزيونية والأذاعية والكتابية
(بالمركز الاول) لأنو جد حسيت حالي مع مقدمة برامج عالمية اسما(كعكة) ودخلتنا شوي بحيات (عمار)
وهلق بتمنى نشاهد الحلقة الثانية من برنامج وبصراحة أحلا سؤال(((قال تعالى : ( وقضى ربك ألا تعبدو الا اياه وبالوالدين احسانا اما يبلغن عندك الكبر ..) الى اخر الايه
بدي منك كلمة من البك بجد لأغلى شخصين بالدنيا أمك وأبوك ؟؟)))
شكرا لكي كعكة
بس عندي أقتراح بتمنى عمار يساوي منتداى أسمو عضو على الهواء وهاد شي بيساعد أكتر مشان تستضيفي كل الاعضاء شكرالكي على المجهود الكبير (((molham)))

ههههههههههههـ
عمار وبسكوته اي ولو الأستديو استديكون <<فهمتو شو قصدي خخخ

احم احم

اقتباس :: شكرا لكي كعكة
بس عندي أقتراح بتمنى عمار يساوي منتداى أسمو عضو على الهواء وهاد شي بيساعد أكتر مشان تستضيفي كل الاعضاء شكرالكي على المجهود الكبير

سمعت عمار انت مدير القناة وهي طلبات المشاهدين مادخلني ههههههههـ
يعني هيك وصلنا على ايميل البرنامج بدون قسم هع هع

الله يسلمك ملهم منورر
تسلم خيي من زوءك والله ...^ـــ^

اي ياحلوين

بالمناسبه لقيت محدا دخل الأربعاء ،،لأنو في مدارس
فشو رأيكم يصير البرنامج الخميس حلو الكل عم يدخل
؟؟

الضيـــــــــــــف الجـــــاية

بسكويـــــــته ،،،

ومتل ماقلت الي حابب يسألها أي سؤال

يبعتلي السؤال ع الخــــاص ...

والله ياريت يكون الخميس
ومشان منتدى بأسم الموضوع هاد
رح أدرس الفكرة
وانشالله رح يكون الرد عن قريب
ومشان ملهم عجبتني هي أنو دخلتيني بحيات عمار ع أساس انت مابتعرف شي ياحرام

مين بسكويتة ؟ pale

<<<< تلتفت يمينا ثم شمالا .. وتتنهد قائلة : Razz

الحمدلله انا اسمة بسكوتة مو بسكويتة ..
هههههههههههه
تؤبري البي كعوكة .. خير نعم .. بدك شي ... مو اتفقنا ما عاد نحكي مع بعض <<<< ايمت هالحكي Suspect

يلا عم استنى تؤبري البي جديد منك .. وما عندي ادنى شك انو مميز وحلو .. متلك ^_^ .
بس يعني بالنهاية ما بقول غير الله يستر ^^...
مشكورة سلفا يا قلبي يا كعووكة.

العقو حياتو جايتكون بالحلقه
يلا
بس باقي كم تنسيق ع السريع
وصحي اشتقتلك يادبـــــــه ...

ماراح افتح ايميلي لنزل الاسئله مشان مايقولو هاه سألتها قبل الطرح هع هع هع

ههههههههههههههههههههههههههههههههه تؤببري البي بالله عم اسأل حالي هي ليش ما فاتحة ايميلا ..
ع فكرة بما انك مو نايو تفتحيه هلأ وانا ما قدرانة ما بق البقحصة .. البيرسونال بتاع غناية .. كارول سماحة بيجنن بيجنن بيجنن .. وانتي بربي حببتيني بالغناية ... اي ها يا هيك المذوقين يا كعكتي يا بلا ^.^. ؟؟
عم استنى .

هههههههههههه
ولي علي انا غيرتها للغنيه بربي لرجعها ^ــــ^
تؤبشيني ههههـ

ههههههههههههههههه خليلي ياكي يا رب انا انتبهت انو غيرتيا .. بس بتجنن ^_-<<< شو انتي وياها كأن فتحتو سيرة ^^

السلام عليكم أعزائي المشاهدين
أهلاً بكم في حلقة جديدة من عضو على الهواء مباشرة يسعدني تجديد اللقاء بكم ،،كما يسعدني وجود ضيفتي اليوم .

في الحقيقة بحثت طويلاً ،لأصوغ حلقتي ولأجد ما هو حقاً جدير للتَعرِيفِ بها
لها حضور يفوق الروعة،، وإطلالة ليست كأي إطلالة ،،حتى بريقها لامعاً في كل الأرجاء
دخلت قلوبنا بكل رقه ،،نسترسل في قراءة ما تطرح ..لتميز انتقاءها
دوماً نجد بين عينها المواساة في حزننا ،الفرحة لفرحتنا،الكلمة الرائعه لإضحاكنا
صداقة وإخلاص التميز،وتألق ،سلاسة ،وعفويه ،براءة لا حدود لها ، وأمــــل هي بحد ذاتها ،،حقاً تعجز كل الكلمات عن وصفها
اليوم ليس كأي يوم فهو بحضورها وتحت أضواءنا بين تساؤلاتنا ،،وتشوقنا..
لا تكفي التحية والتصفيق
رحبو معي ضيفتي اليوم هي
(بسكوووتـــــــه)

أهلاً بكِ عزيزتي ،،<ال يعني لسا متأثرة باللغه العربيه ههههه
مرحبا فيش بسكويتي ..
توضيح //فيش=فيك بس عنا بيحكو هيك خخخ
أهلين بسكوته ،،منوره الإستديو اليوم
..............
أول شي طمنينا عنك وشو أخبارك ؟
.................
بيسعدني انك بخير ،،!
قبل مانبدا بشي ،بدي أعرف رأيك بالبرنامج بصراحة ..وشو شعورك وأنتِ اليوم معي ؟
...................
راح ابدا ببساطه
مداخل يعني لشخصيتك
شو أكبـــــــر همومك ؟...........
ميــــن أغلى صديقه ع قلبك ؟......
ماهي الصفة التي تطلق عليكِ في الغالب؟..........
شو هو الشي الي بعصبك ؟غير انو عمار مابيقرا ماضيعك هههههه
........
في أشيا خاصة بالنسبة إلك ما راح حاول ادخل فيها،، كل عضو بستضيفو بعرف شو راح اسألو شو الي بيحرجو ،،واكيد الك الحريه بهالشي استضفتك اليوم لأدرس وجهات نظرك بمواضيع ،،يعني مو لنعرف حياتك الخاصة ..

بدي منك تاخدي هالورقة والقلم الي قدامك ع الطاولة اتفضلي ازا سمحتي ..

اكتبيلي عبارة او جملة لهدول الاشخاص ،ازا بتحي قولي مين بيكون

لشخص بعقلك ؟.....
ولشخص بقلبك ؟.....
ولشخص هو سر فرحتك ؟...
لشخص مو عارف غلاوتو بقلبك ؟...

في عالم نفس بقول Sad

باستطاعة الإنسان العيش بدون أصدقاء )،معو حق برأيك؟.....
بحكم انك خالتنا ^ـــ^
بتحسي بجد انك مسؤولة عن نصيحه أي حدا اصغر منك هون ؟
.....
خبرينا هي الكمات شو بتعنيلك ؟
البحر .... السماء ....
الصدق.... الأمل ....
المدرسة ..... الطموح.....
السراب.....

بسكويته انفرض عليكِ لظرف ما انك تهاجري لجزيرة مهجور ..فرضاً..!!
وفينك تاخدي خمس اشيا معك،،شو هنن؟
1-.....2-......3-.....4-.....5-.......

وهلأ ضفتي بعرف تعبناكِ اتفضلي بلي قلبك بكاسة هالعصير وكلي بسكوت يابسكوته ازا بتحبي

عضو على الهواء مباشره ^ـــ^ 600500705

لأنو رايحين بريك اعلاني زغير <ال صارت متل المزيعات زغير هههههـ
خليكون معنا مشاهدينا راجعيلكون ..

***************

أهلا وسهلا مرة تانيه ..طبعاَ ماخلصنا والقعده معك سرقتني وسرقني الوقت بصراحه
اسمعي معي هالمقط ..
{من..من..من يشتري الأحلام العمر والأيام مني..؟؟! فلا كنت ولا كـــان الهوى
آآآهٍ ..آآآآهٍ على زمني ما كان ينصفني فأعزها حبي لها وأذلني ...}
شو شعورك هلأ ..!!
حسيتي بيوم انو مروان خوري عم بغنيها إلك ..؟<مو الك يعني لقصة بتعنيلك؟
.......

حابه نوقف لحظه صمت بعد هالسؤال //؟
لا بظن خلينا نكمل الوقت بجد عم يسرقنا ووقت البرنامج محدود

قال المتنبي رحمه الله/
يامن يعز علينا أن نفارقهم ،،، وجدانا كل شيء بعدكم عدم
بمين بزكرك بيت هالشعر ؟وليش ؟

قال الرسول صلى الله عليه وسلم: (....واتق دعوة المظلوم فإن ليس بينها وبين الله حجاب)
حدا ظلمك بيوم من الايام؟.....
وعمرك ظلمتي حدا؟....
وشو رأيك بالظلم اذا اجا من الأهل ومافي أي مجال لتفاهم؟.....

كلنا منعرف انو الله بياخد وبيعطي ،،وازا اخد منا شي أو فرقنا عن شي بيعطينا أجرأكيد لصبرنا ،،وقوة ايمانا
مهما كان هالشي شخص غالي ،او فرصه ، ..الخ
وازا عطانا لازم نشكرو ،،أنت معي بهالحكي أكيد
شو أغلى شي أنحرمتي منوو؟...
شو أكتر شي بتتمني يرجع الزمن تشوفي ؟...
شو أكبر نعمه انتي فيها؟...
وعمرك فكرتي توقفي المستقبل وتعيشي حالة ندم ،وتفقدي الأمل لمشكله حصلتلك؟..
بعد هالأجوبه خلينا نطلع من هالاطار يظهر دايقك شوي الله لايحرمك من شي بتحبي
ويعطيكي الي بتتمنيه
بدي اطلب منك بسكوته تلتفتي شوي ع الشاشة
شوفي لي هالصورة

احكيلنا بفلسفه شوي عن معناها بالنسبة الك ؟<فهمتي السؤال شي هع
......
واذا بيوم كان من مصلحة شخص عزيز انك تبعدي عنو ..ومافينك تحكيلو ليش .. برأيك الهروب هو الحل او المواجهة لتكون ذكراكي حلوه ؟وهل صار معك هالشي

وكمان بدي منك تشوفي لي هي الصوره ع الشاشة

بمين بتزكرك ؟،، وهل في حضن انتي بتلجئي إلو ازا كنت حزينه ؟....

امممم اتفضلي اشربي كاسة مي تعبناكي ههههه..
عضو على الهواء مباشره ^ـــ^ A7ib-12715793412

هلأ بقا منا ندخل بشغلات بسيطه ^ـــ^ فرفشه شوي
شو هو أحلى موقف حصلك ومضحك ؟حيلا شي
......
شو أكتر رد ضحكك بالمنتدى ؟.....
شو أكتر رد حبيتي لـ كعكه ^ـــ^ ؟مزيعتكم يعني ههههه
......
مممم كلنا منعرف ماريا أختنا ورفيقتنا الحلوه ^ـــ^،،وسبب غيابها عنا؟
بدي توجهيلها كلمتين ونصيحه شو هي؟.....
شو أكتر اسم بنوته بتحبي ؟.....
شو أسم موبيلك ازا في ؟.....
أكتر أنسه بتحبيها وشو درستك ؟....
اذا تخانقتي مع رفيقتك مين ع الأغلب ببادر بالصلح؟......
شو رأيك بردود المستر عمار بصراحة ههههه؟.....

بالنهايه سوري بدي اطلب منك تلتفتي مرة تانيه للشاشه
هي الشخصيه
بسكوتة
مشرفة قسم الخواطر

عضو على الهواء مباشره ^ـــ^ Stars5

بسكوته أكيد
برأيك مين هي بسكوته ؟وشو طموحها،؟بختصار شخصيتك في سطور ؟

وهلأ أعزائي المشاهدي وصلنا لنهاية حلقتنا
الي بجد انا بتمنى ماتخلص وفي اسئله كتير براسي لبسكوته ،،
كنت سعيده بإستضافتك اليوم ..وبتمنى تكوني من متابعي البرنامج <ال يعني هع
اممم الي حابب يطرح شي ويقترح ماعليكم سوا الارسال عبر البريد الالكتروني الظاهر امامكم على الشاشه ههههههههههههههههه
<<بمزح ولو

وهيك خلصنا ملاحظه :
كل كلمة شخص لاتعني شخص يعني ممكن تكون بنت اوكي
وبجد اني حاولت ابعد عن خصوصيتك Very Happy

بعرف تعبتك بس طلعت براسك لاني انقهرت من ردود عمار المختصرة هههههههـ
بس تلحقي تجاوبي ع الكل اليوم ههههههـ

وبدي قلك كل مكان مكتوب فيه ......أكتر من تلت نقط راح تحطي جواب محلو ^ـــ^

[/size]

اوه والله أسئلة حلوة وحلقة ممتعة نشكر مقدمة البرنامج الانسة كعكة وننتظر الرد من بسكوتة

ههههههههه

بس مايكون غاطط على البها ههههه بسكوته بسكوته فيكي شي هع

منوووور مديرنااا

كعكه كتب:: السلام عليكم أعزائي المشاهدين
أهلاً بكم في حلقة جديدة من عضو على الهواء مباشرة يسعدني تجديد اللقاء بكم ،،كما يسعدني وجود ضيفتي اليوم .
ييييي تؤبري البي انا اسعد <<< لا جودة ^^
في الحقيقة بحثت طويلاً ،لأصوغ حلقتي ولأجد ما هو حقاً جدير للتَعرِيفِ بها
لها حضور يفوق الروعة،، وإطلالة ليست كأي إطلالة ،،حتى بريقها لامعاً في كل الأرجاء
دخلت قلوبنا بكل رقه ،،نسترسل في قراءة ما تطرح ..لتميز انتقاءها
دوماً نجد بين عينها المواساة في حزننا ،الفرحة لفرحتنا،الكلمة الرائعه لإضحاكنا
صداقة وإخلاص التميز،وتألق ،سلاسة ،وعفويه ،براءة لا حدود لها ، وأمــــل هي بحد ذاتها ،،حقاً تعجز كل الكلمات عن وصفها
يا روحي يا كعكتي .. بالله اثرني هالكلام .. مع انو مو عادتي ها بتعرفيني
اليوم ليس كأي يوم فهو بحضورها وتحت أضواءنا بين تساؤلاتنا ،،وتشوقنا..
لا تكفي التحية والتصفيق
رحبو معي ضيفتي اليوم هي
(بسكوووتـــــــه)
هيييييه اهلين جمهور كيفكن <<<< فنانة فاشلة واضح هالشي ^^
أهلاً بكِ عزيزتي ،،<ال يعني لسا متأثرة باللغه العربيه ههههه
ههههه
مرحبا فيش بسكويتي ..
توضيح //فيش=فيك بس عنا بيحكو هيك خخخ
وفيش يا بعد عمري
أهلين بسكوته ،،منوره الإستديو اليوم
نورك حبيبة قلبي .. والله الاستديو منور بصحابه ..
..............
أول شي طمنينا عنك وشو أخبارك ؟
والله مشتاقتلك يا قلبي .. مافي شي جديد ع حطة ايدك يعني وحدة الله عمى ع قلبا ودخلت علمي شو متوقعة تلاقي منها ؟
.................
بيسعدني انك بخير ،،!
قبل مانبدا بشي ،بدي أعرف رأيك بالبرنامج بصراحة ..وشو شعورك وأنتِ اليوم معي ؟
سكتي وبالله فرحانة وخجلانة هههههههههه ما بعرف ليش .. بس عنجد تؤبري البي يعني فكرة رائعة واسلوبك 10/10 .. ولا اي نقد يعني ممتاز .. ^_-
...................
راح ابدا ببساطه
مداخل يعني لشخصيتك
شو أكبـــــــر همومك ؟.....دراستي وحدا يزعل مني كتير بنهمّ......
ميــــن أغلى صديقه ع قلبك ؟....بطاطا ديربي ..
ماهي الصفة التي تطلق عليكِ في الغالب؟.....بدكن تسألو الحواليي .. ما بعرف يمكن وقت بكون رايقة دمي خفيف . .....
شو هو الشي الي بعصبك ؟غير انو عمار مابيقرا ماضيعك هههههه
......مافي اكتر من هيك عنجد ما حدا بيتصور اديش بعصب من كل عقلي هههه بس كمان شي بيعصبني .. النكاية كتييير سهل انو أُستفز بسهولة عن طريقا ^^..
في أشيا خاصة بالنسبة إلك ما راح حاول ادخل فيها،، كل عضو بستضيفو بعرف شو راح اسألو شو الي بيحرجو ،،واكيد الك الحريه بهالشي استضفتك اليوم لأدرس وجهات نظرك بمواضيع ،،يعني مو لنعرف حياتك الخاصة ..

بدي منك تاخدي هالورقة والقلم الي قدامك ع الطاولة اتفضلي ازا سمحتي ..

اكتبيلي عبارة او جملة لهدول الاشخاص ،ازا بتحي قولي مين بيكون

لشخص بعقلك ؟..كل الي بحبهن دائما بعقلي بس اذا اي حدا منهن بقلو انا محظوظة فيه يمكن ويا ريت يقدر اي شي بعمله مشانه <<< فهمتو شي ..
ولشخص بقلبك ؟...شخص ^^. او لاء ما بعرف صراحة بس اذا بدي قول شي . وع مبدأ حكي يا جارة سمعي يا كنة مدري شو بيقولو ^^<< خصمو الله الي ما بيكون فهم .. بقول الي بيخاف الله ما تخاف منو . ..
ولشخص هو سر فرحتك ؟...أمي واخواتي
لشخص مو عارف غلاوتو بقلبك ؟...بطاطا دربي

في عالم نفس بقول باستطاعة الإنسان العيش بدون أصدقاء )،معو حق برأيك؟..هاد شلون ما لحقو حدا من الحاضرين بشي كندرة العفو .. بنص حلقو طبعا ما معو حق الاصدقاء شي ما بيقدر الانسان يعيش بدونو ...
بحكم انك خالتنا ^ـــ^
تفضلي يا عيون وروح وقلب الخالة
بتحسي بجد انك مسؤولة عن نصيحه أي حدا اصغر منك هون ؟
....اي كتيييييير .. بس دائما بتمنى الكل يعرف انو واله ما بنصح غير لمصلحة الي قدامي والله .. والا ما بقدم النصيحة بنوب . .
خبرينا هي الكمات شو بتعنيلك ؟
البحر حلو كتير ولو انو غدار بس هو عالم تاني برأيي ما لازم يفوته الانسان مشان ما يخربه ... السماء .التأمل فيها راحة اعصاب كبيرة .. ...
الصدق.اذا تحلى الانسان فيه .. بكل معناه يمكن بتوقع ما يغلط ابدا ... الأمل .صعب انو نتبعه ( بس الامل هو الي هداني رفيقة متل كعكة بتتذكري مو يا قلبي ؟؟)...
المدرسة وليي . يعني ما بكرها بس هم كبير.. الطموح.يووو الانسان بيولد وبيموت على امل تحقيقه .. الله يكون بعون الكل ......
السراب.المشاعر الصادقة ....

بسكويته انفرض عليكِ لظرف ما انك تهاجري لجزيرة مهجور ..فرضاً..!!
وفينك تاخدي خمس اشيا معك،،شو هنن؟
1-ساعة2-ورقة وقلم3-كتاب4-حدا بيحبني اكتر ما حبو(ولو انو حدا مو شي )|(.5-قران

وهلأ ضفتي بعرف تعبناكِ اتفضلي بلي قلبك بكاسة هالعصير وكلي بسكوت يابسكوته ازا بتحبي

مممم والله شي بينعنش القلب تؤبريني يسلمو هالايدين
لأنو رايحين بريك اعلاني زغير <ال صارت متل المزيعات زغير هههههـ
خليكون معنا مشاهدينا راجعيلكون ..
دخيل الزغيييييييييييييييييييييييييييييييييييييييييير ..

***************

أهلا وسهلا مرة تانيه ..طبعاَ ماخلصنا والقعده معك سرقتني وسرقني الوقت بصراحه
اسمعي معي هالمقط ..
{من..من..من يشتري الأحلام العمر والأيام مني..؟؟! فلا كنت ولا كـــان الهوى
آآآهٍ ..آآآآهٍ على زمني ما كان ينصفني فأعزها حبي لها وأذلني ...}
شو شعورك هلأ ..!!
صراحة كتير ضربتيلي عالوتر وانتي بتعرفي اني حطيت هالمقطع بيرسونال وع فكرة كتير ريحتيني كعوكتي .
حسيتي بيوم انو مروان خوري عم بغنيها إلك ..؟<مو الك يعني لقصة بتعنيلك؟
....اي طبعا وكتيييييييييييييييييييييييييير ويعني عنجد رائع دققي بمعناتو هي هيك انا ...

حابه نوقف لحظه صمت بعد هالسؤال //؟
لا بظن خلينا نكمل الوقت بجد عم يسرقنا ووقت البرنامج محدود
^_^
قال المتنبي رحمه الله/
يامن يعز علينا أن نفارقهم ،،، وجدانا كل شيء بعدكم عدم
بمين بزكرك بيت هالشعر ؟وليش ؟اخواتي .. واكتر شي حسيته وقت سافرت اختي السنة الماضية وع فكرة كتير تغيرت بعدها .. كنت غير هيك .. كنت مليانة بالروح بس هلأ يعني فيي شي زعلان يمكن .. ما بعرف هيك بقلولي انو حتى وقت بضحك في بعيوني حزن .. انا ما بحس هيك .. بس انا الي بعرفو انو ايام زمان راحت واخدت معا بسكوتة القديمة . وان شاء الله الجديدة تكون احسن .

قال الرسول صلى الله عليه وسلم: (....واتق دعوة المظلوم فإن ليس بينها وبين الله حجاب)
حدا ظلمك بيوم من الايام؟.....
ظلم ظلم .. هيك يعني مو تلفيق كلام .. لاا الحمدلله وان شاء الله ما حدا بيظلمني لأن مافي ابشعع من هالشعور
وعمرك ظلمتي حدا؟....
لاااا ابدا الحمدلله وان شاء الله ما بظلم حدا ..
وشو رأيك بالظلم اذا اجا من الأهل ومافي أي مجال لتفاهم؟.....
بظن انو الموت اهون منو .. اذا الاهل ما هنن ردو الظلم ما في حدا غالبا احن منهن يرده ..

كلنا منعرف انو الله بياخد وبيعطي ،،وازا اخد منا شي أو فرقنا عن شي بيعطينا أجرأكيد لصبرنا ،،وقوة ايمانا
مهما كان هالشي شخص غالي ،او فرصه ، ..الخ
وازا عطانا لازم نشكرو ،،أنت معي بهالحكي أكيد
اكييييييييييييد الحمدلله ع كل شيء والحمدلله الذي لا يحمد على مكروه سواه .
شو أغلى شي أنحرمتي منوو؟...
بابا الله يرحمه .
شو أكتر شي بتتمني يرجع الزمن تشوفي ؟...
شوف يا اما بسكوتة الطفلة .. يا اما يوم الموافق 6/10/2009اروع يوم بعمري بتذكر فيه اختي.
شو أكبر نعمه انتي فيها؟...
امي الله يخليلي ياها
وعمرك فكرتي توقفي المستقبل وتعيشي حالة ندم ،وتفقدي الأمل لمشكله حصلتلك؟..
اي .. فكرت هيك بس الحمدلله يعني لا حياة مع اليأس .. والواحد ما بييأس من رحمة ربو . والله لا يجعلنا من النادمين .
بعد هالأجوبه خلينا نطلع من هالاطار يظهر دايقك شوي الله لايحرمك من شي بتحبي
ويعطيكي الي بتتمنيه
يا قلبي انتي والقايلة ان شاء الله
بدي اطلب منك بسكوته تلتفتي شوي ع الشاشة
شوفي لي هالصورة

احكيلنا بفلسفه شوي عن معناها بالنسبة الك ؟<فهمتي السؤال شي هع
.....تؤبريني شو قصتك .. هي كمان انا كنت حاططا عالايميل... بدك شو بتعنيلي .. انو وبفلسفة ^^( امل .. وتضحية بفرح .. انو هالشخص تحت هالمطر والبرد وما هاممه غير انو هالوردة ما تنبل وتبقى متفتحة وهو بيعرف انو ما رح تردلو هالشي لأن بالنهاية هي وردة وبس .. لو الي منحبهن يتعلمو منا ) .
واذا بيوم كان من مصلحة شخص عزيز انك تبعدي عنو ..ومافينك تحكيلو ليش .. برأيك الهروب هو الحل او المواجهة لتكون ذكراكي حلوه ؟وهل صار معك هالشي
لا المواجهة .. مو مشان شي .. بس لأني بكره حدا يعمل هيك فيني .. والحمدلله ما صار معي هالشي وان شاء الله ما بيصير .
وكمان بدي منك تشوفي لي هي الصوره ع الشاشة

بمين بتزكرك ؟،، وهل في حضن انتي بتلجئي إلو ازا كنت حزينه ؟....
بتذكرني بأمي الله يخليلي ياها .. بلجألا بدون ما تحس عليي .. وما بنكر فضل ناس كانو يسمعوني ويريحوني .. بس الام غير يا بنتي شو بدك بالحكي <<< خلصينا ولووو .
امممم اتفضلي اشربي كاسة مي تعبناكي ههههه..

اي والله نشف ريقي تؤبري البي ولو انو اسئلتك حلوة
هلأ بقا منا ندخل بشغلات بسيطه ^ـــ^ فرفشه شوي
شو هو أحلى موقف حصلك ومضحك ؟حيلا شي
ههههههههههه ضحكت ما بعرف ليش .. كتير مواقف .. يمكن وقت وقعت الموجهة وما كان في غير بطاطا مسكتا ( ال يعني بطاطا فيها حيل تمسك حالا ) ههههههههه عنجد موقف بيضحك خطي وما حدا قدر يكبت الضحكة ..
شو أكتر رد ضحكك بالمنتدى ؟.....
كتييير والله كتير في مهضومين .. بس يمكن ما بنسى وقت The Poss مرة رد بموضوع اعطي وظيفة لعضو الي بعدك .. كان الي قبله كاتبله شوفير باص .. هههههههههههههههههه ام رد عليه اي وان شاء الله بتكون اول واحد بركبه وبفوت فيك بأول حيط .. هههههههههههه هلأ يمكن ما تلاقو بيضحك .. بس بوقتها انا فقعت من الضحك يمكن لأن كنت مالة .. بس ضحكت من قلبي وقتا ..
شو أكتر رد حبيتي لـ كعكه ^ـــ^ ؟مزيعتكم يعني ههههه
.والله كلو .. كلووووووووووووووو .. مو كلمة وتنقال لا والله .. عنجد كل رد حطيتيه كان رائع .. واروع شي الي حطيتيه بعيد الفلنتاين . انا لهلأ بقراه وقت بمل .. اني مبدعة كعوكتي .. ودماتك خفاف وبدون اي مجاملة .
مممم كلنا منعرف ماريا أختنا ورفيقتنا الحلوه ^ـــ^،،وسبب غيابها عنا؟
بدي توجهيلها كلمتين ونصيحه شو هي؟.....
انا اشتقتلا كتييير .. وبتمناها تكون احسن وحدة بالدنيا وبس بنصحا تسمع الكلمة وتدير بالا ع حالا لأن الانسان ما خالد بالدنيا .. لازم تعمل شي لاخرتا .
شو أكتر اسم بنوته بتحبي ؟.....
ديمة .. يارا
شو أسم موبيلك ازا في ؟.....
يا حسرة قلبي .. موبااايل .. اي واحد فيهن بلا صغرة هع هع .. مافي طمني .
أكتر أنسه بتحبيها وشو درستك ؟....
رياضيات بالعاشر ..
اذا تخانقتي مع رفيقتك مين ع الأغلب ببادر بالصلح؟......
انا واعوذ بالله من كلمة انا بس اذا ما رضيت بتركها لتتراجع
شو رأيك بردود المستر عمار بصراحة ههههه؟.....
ع اسئلته الي فوق ما بتفش القهر .. لذلك انا هلأ انبحتت وماعاد اسكت هههههههههه .. اما عالمواضيع .. هي الشغلة الوحيدة الي ما بتخليه يكون مدير مناسب 10000 % بس 1000% .. انو ما بيقرا المواضيع .. بيفزرني فزر ..
بالنهايه سوري بدي اطلب منك تلتفتي مرة تانيه للشاشه
هي الشخصيه
بسكوتة
مشرفة قسم الخواطر

بسكوته أكيد
برأيك مين هي بسكوته ؟وشو طموحها،؟بختصار شخصيتك في سطور ؟
بسكوتة بتكره تحكي عن حالا ,, بس بما انو حطيتيا مقابل المراية .. بسكوتة انسانة ضعيفة كل الي بتعرفه انو لولا رب العالمين ما بتسوى شي .. ومعتمده عليه بكل شي .. بتتمنى انو ما حدا يزعل منها .. بتدعي كل يوم الي بتحبن يقدروها ويبادلوها المشاعر .. طموحها الصيدلة الله يسرلا يا رب .. ولو انو ما ضمنانة البكالوريا هي ^^.. قولي لسا ما قررت ما بعرف <<<< خلصينا وليييي ^^. وشخصيتي في سطور ..
اما بحب الزعل . .. ووقت بزعل ما بإيدي .. بحب كون محط ثقة الناس .. وبحب يكون وجودي مهضوم ولذيذ والي حضور .. والحمدلله ما بحس حدا بيكرهني كره الا كائن حي وحيد فقط ..
وهلأ أعزائي المشاهدي وصلنا لنهاية حلقتنا
الي بجد انا بتمنى ماتخلص وفي اسئله كتير براسي لبسكوته ،،
اسأليني تؤبريني .. بعتيلي خاص واسألي انا بجاوب ما عندي اني بروبلم ^^
كنت سعيده بإستضافتك اليوم ..وبتمنى تكوني من متابعي البرنامج <ال يعني هع
اممم الي حابب يطرح شي ويقترح ماعليكم سوا الارسال عبر البريد الالكتروني الظاهر امامكم على الشاشه ههههههههههههههههه
<<بمزح ولو

وهيك خلصنا ملاحظه :
كل كلمة شخص لاتعني شخص يعني ممكن تكون بنت اوكي
وبجد اني حاولت ابعد عن خصوصيتك
يا قلبي انتي كنتي مثال للرقة والفهم والذوق .
بعرف تعبتك بس طلعت براسك لاني انقهرت من ردود عمار المختصرة هههههههـ
وانا جاوبت اجوبة طويلة نكاية فيه ^^
بس تلحقي تجاوبي ع الكل اليوم ههههههـ
لحقت
وبدي قلك كل مكان مكتوب فيه ......أكتر من تلت نقط راح تحطي جواب محلو ^ـــ^
[/size]

مشكوووووووووووووووووووووووووووورة يا قلبي . نفختلكن قلبكن وعم استنى الاراء ع ردوود Suspect

والله حلقة حلوة
بس والله قريتها كلا
مشكور وننتظر الحلقة القادمة Smile

لااا بدنا دبيحة ع هالخبرية ,اذا بشوف بعيوني ما بصدق......

شكرا لكم ولله الحلقة
رائعة وجد بقراها
مرا وتنتين وتلاتة لأنو
كل حلقة أحلا من التانية شكرا كعكة
شكرا بسكوتة جد من كل قلبي شكرا

اهلا وسهلا ومشكور كتير عالمرور .

بسكوته !!
شو رأيك تعقدي مطرحي وتقدمي وتشكري ههههههههـ
لالا بمزح ولو الاستديو استديوكي هههههه
تسلميلي يابسكوتي والله انا من يوم عرفتك ماعرفت شي اسمو يأس
وطول عمرك بتعطيني الأمل والنصيحه وقت بكون بدي ياها
أجوبتك كتير حلوه ،، وفشيتيلي ألبي هههههـ

عمار شاطر صاير عم يقرا منور عمار بمرورك،،

ملهم منور خيووو تسلم من ذوقك والله

اي اممم مين بعدوو

شو رأيكون ملهم ما؟؟

اهلييييييييين يا قلبي بعرف الاستديو ستيديووييييي <<< ولي حرجة علي اذا قدرت افهما ؟؟
اي انا موافقة بالنهاية كلو رح يتشرح Smile

ويا قلبي انتي الي عطيتين امل ( ولا نسيتي Wink

)..
منتظرين جديدك يا قلبي كعوكتي .. سلام

لك تثلمليلي الله لايحرمني من رفئتكم ،،،

وكمان الي بدو يسأل ملهم شي سؤال يبعتلي السؤال ع الخاص ..<<كم مرة صار قالتها هع هع

امممم
اليوم الحلقه
حدا بيعرفلي ازا ملهم عندو خبر ...

ازا ماراح يدخل اليوم مابنزل الاسئله
!!!

لا انشالله رح قلو يدخل انتي حطي الاسئلة Smile

بعتذر كتير
ماراح نزل الأسئله اليوم
وأنا عم ضيفها صار غلط وراحت كلها
طبعا انا مقهوره كتير ،، راح ابكي الا شوي

والله سوري مو بقصدي ماتتخيلو قديش معصبه

عنجد مافي شي احكي يااااااااربي شلون راحو حرقو البي هههههه

....بكرا بحاول ارجع اكتبو

طيب مامشكلة Smile

ههههه يي يا قلبي انتي والله شي بيهز البدن .. انهز بدني bounce

يلا عم نستنى ؟؟ ^^ ع مهلك يا قلبي . يا كعوكتي ..

اوكي اليوم الأسئله جاهزة
ثواني وبنزلها ،،جهزو حالكم هلأ الشارةخخخخ

السلام عليكم ورحمة الله وبركاته Cool

أعزائي المشاهدين مرحبا بكم مرة جديدة ولقاء جديد مع ضيفي كما العادة ..
ولكن قبل بدئي أحببت أن أهنكم بأيام عشر من ذي الحجة وقرب قدوم عيد الأضحى المبارك أعاده الله علينا باليمن والبركات ،،

اليوم سأستضيف من هو برأي عنــــــوانٌ للغموض،، ربما الحزن ..والابتسامة المجروحة
ربما طموحٌ مقتول ..أتمنى حقيقة أن يكون تخميني خاطئ ..
رغم ما ذكرته ..إلا أن هناك ما يدفعه لمحو ذلك ورسم الابتسامة في كل مكان ..
حلقتي اليوم ..أنا بالفعل متشوقة لها لأني لا أعلم عن ضيفي سوا القليل
ووجدت صعوبةً لأصوغ أسئلة تعنيه ...
رحبوا معي بـ
(ملهم)
بيسعدني وجدك اليوم ^ــ^
وعزرني ازا كترت أسئلتي Very Happy

بس مشان نتعرف عليك أكتر ..
وانا متأكده انك راح تكون متل ماوعدتني كتاب مفتوح ...

وراح ابدا بأول سؤال كالعادة I love you

شو رأيك بالبرنامج ؟ولو اني بعرف انو حلو ..هع هع
وشو اقتراحاتك ليصير احلى وشو الشي السلبي فيه ^ـــ^

أول شي معلومات سطحيه حابه أعرفها عنك..
أبو شو بلا صغرة هههـ...
عمرك ....
من وين ...
انو صف ..
كم عددك بين اخواتك؟
شو أكتر شي بتحب تعملو هوايه او بوقتك الفاضي ؟؟
قلي حكمه أنت مؤمن فيا؟
شو بتتمنى تصير إذا كبرت ؟
شو نقطه ضعفك ولو انو سؤال غريب؟
شو مواصفات الشخص المثالي برأيك ؟
قبل هلأ قلت شي مرة ياريتني كنت كذا مثلا؟وليش؟<فهمت السؤال !

في قصيده لنزار قباني الشاعر الكبير ..بتقول
‘‘أخاف أن تمطر الدنيا ولستِ معي…فمنذ رحتٍ وعندي عقدة المطر..كان الشتاء يغطيني بمعطفه..
فلا أفكر في برد ولا ضجري..‘‘
وجدت سابقاً أن هذه القصيده تعني لكَ شيأً ما !!لا أعلم ان كنت محقه
بس ممكن أعرف السبب اذا بتعنيلك ؟
شو رأيك بالهروب ،،يعني شخص غالي يفارقك بدون أي سبب؟
وشو الأسباب الي ممكن لاسمح الله تصير وتخليك تعمل هالشي؟

وين بتحب تقعد إذا كنت
زعلان /
مصدوم/
فرحان/
محطم/

عطني رأيك بالـ
الخيانة /
الكذب /
الأحلام/
الصداقة /
وكعكه^ــ^/

انكتب بتوقيعك..
"أحضنو الأيام لاتجري من ايدينا احلا ايام الهوى راحت علينا"
شو يعني ..؟؟
وشو هي ايام الهوى الي راحت عليك؟

قبل مرة قريت قصة بسيطه كتير ممكن تسمعها مني ..
‘‘ذات يوم سأل شخص حبيبته :ماذا تفعلين لو سمعتي أنني توفيت
قالت وهي ضاحكه تمازحه :سيكون أسعد يوم في حياتي
وفي اليوم التالي استيقظت الفتاة على خبر مصرع حبيبها ،،تاركاً لها وردة ومعها ورقه
كتب عليها : كنت سأفعل أي شيء لتكوني سعيدة .. عضو على الهواء مباشره ^ـــ^ Icon_sad

....‘‘
لسا في حب هيك برأيك؟
مو المهم الحب يكون بين بنت وشب بس ,,الإنسان بحب صديقو وأمو أهلو ..أي شخص قريب منو
بس برأيك لدرجه التضحية ..هيك ؟
مو شرط نفس القصة يمكن هي خياليه بس ممكن نضحي لشخص منحبو كتير
مين الشخص الي أنت ممكن ضحي بحالك مشانو؟

طبعاً طال الحديث وأكيد لسا في حكي كتير حابه انو نحكي ..
بس بعد مانروح لفاصل ونرجع ،،تفضل اشراب كاسة هالعصير لنرجع
عضو على الهواء مباشره ^ـــ^ 2731

**********

مرحبا من جديد..مع ضيفنا لليوم ملهم

ممكن تشفلي هي الصورة

بتعرفها أكيد صورتك الرمزية لاحظت انو الحرف أحيانا جنب اسمك بتكتبو،،بالبدايه اتوقعت انو ملهم نك نيم بس ..والحرف اسمك الحقيقي
بس الظاهر للحرف قصة
حرف الــR،،شو بيعنيلك ..؟ومين صاحبو ؟

وكمان بدي اطلب منك تشفلي الصورة الي ظاهرة على الشاشة
عضو على الهواء مباشره ^ـــ^ B1icchayhncjwj5cqumotu1

عضو على الهواء مباشره ^ـــ^ B1icchayhncjwj5cqumotu1

أنا صراحة مابعرف ليش اخترتها يمكن لأنو الشتوية رجعت santa

بعد اذنك ،،بدي أي كلمتين ،،أو خاطره من سطرين ،،او عن شو بتعبر هالصورة ؟

قبل هلأ أنا طرحت سؤال على ضيف بدي ارجع اطرحو عليك <بس لا تجاوب متلو أوعك عضو على الهواء مباشره ^ـــ^ 7348

هههههـ
قال تعالى : ( وقضى ربك ألا تعبدو الا اياه وبالوالدين احسانا اما يبلغن عندك الكبر ..) الى اخر الايه
بدي منك كلمة من البك بجد لأغلى شخصين بالدنيا أمك وأبوك ؟؟
وبدي ضيف هاد السؤال
تناقشت قبل هلأ مع أحد والديك بموضوع ،،وصار نقاش جاد كتير وعصبت انت عليهون ؟بصراحة

قال تعالى {إِنَّمَا يُوفَّي الْصًّابِرُونَ آَجْرَهُم بِغِيْرِ حِسَابٍ}
كلنا منعرف انو الصبر مفتاح الفرج ..
احكيلي موقف او قصه باختصار صارت معك ..انت كنت صبوور كتير فيها؟
شو هو الحد الي ما بتعرف فيه الصبر ..؟

قال تعآلى: { إِنَّهُ لاً يَايَّئَسُ مِن رَّوْحِ اللهِ إِلاَّ الْقَوْمُ الْكَافِرُونَ}
شو شعورك أو شو بتلهمك هالآيه الكريمه؟
هل كنت بيوم يائس؟وليش؟

حابه ادخل بشي تاني يمكن دخلنا شوي بخصوصياتك ^ــ^
بدي تجاوب بـ نعم أو لا بس
هل حبيت من البك قبل هلأأ؟
هل كلام الناس لايعنيك ؟
هل دعيت على احد بالموت قبل الآن؟
هل عندك موبايل ؟:d
هل غرفتك لوحدك ولا معك حدا ؟
في حدا أصدقائك بصراحة أغلى من عمار؟

بعرف انك بتكتب خواطر ،،ويعني ملهم بدك تكون اسم ع مسمى
بدي تحطلي خاطرة من كتابتك وانت بتحبا كتير ؟
وبدي تقلي معنى اسمك بالتفصيل ،،وهل انت بتحبو ؟لأسمك

مين أكتر المغنين بتحبون وبتحس انو اصوات واغاني فنانه بحق؟

سمعت شي غنية جمهوريه ألبي لمحمد اسكندر
أكيد أي ع الاغلب لانها صرعت الدنيا هههههـ
شو رأيك بأنو المرأه تشتغل لتساعد بالمصروف..؟
أو حتى لو مافي حاجه لتساعد ،، تشتغل هيك لتحس حالها عم تفيد المجتمع ؟
في ناس ماعجبون حكي الغنيه واجهوها بشكل غريب وعملو قصة ..
^^أنت شورأيك بالغنيه ؟

لمين بتهدي ..؟؟
ورده بيضا/
وردة حمرا/
نظرة شفقه/
نظرة أمل/

موقف مضحك صار معك ممكن تذكره؟
رد ضحكك كتير بالمنتدى ؟

بعد كلشي عرفنا عن شخصيتك
أنت شوف بتشوف حالك.. أومين أنت من هالدنيا ،،ممكن تحكيلي على ملهم بكم كلمة ..؟

وصلنا أحبابي لنهاية حلقتنا لليوم
أنا فرحت بلقائي مع ملهم
وكان حلقه ممتعه
بوعدكون بلقاء جديد ،،بعد العيد ان شا الله ..
بتمنالكم عطله ،،وعيد اضحى مبارك ..

..::ملاحظـــة::..
1-هي كل الحلقة وسوري انو انعرضت بغير يوم
اعتبرو انو كان في مباراة وماقدرنا نعرض بنامجي ههههههـ
2- انووو الي بدو يعلق ع الأسئله نو بربلم (خاصة بسكوته في سؤال حاسة انو راح يعجبها خخخ)
3- اربعاء الجاية مافي حلقه بدي عيد ههه الا ازا حابين نعمل لقاء مع أطفال الشوارع في العيد خخخ

يلا رح نستنا لملهم

وانا عم استنا Smile

منور عمار ..

السلام عليكم ورحمة الله وبركاته Cool

أعزائي المشاهدين مرحبا بكم مرة جديدة ولقاء جديد مع ضيفي كما العادة ..
ولكن قبل بدئي أحببت أن أهنكم بأيام عشر من ذي الحجة وقرب قدوم عيد الأضحى المبارك أعاده الله علينا باليمن والبركات ،،

اليوم سأستضيف من هو برأي عنــــــوانٌ للغموض،، ربما الحزن ..والابتسامة المجروحة
ربما طموحٌ مقتول ..أتمنى حقيقة أن يكون تخميني خاطئ ..
رغم ما ذكرته ..إلا أن هناك ما يدفعه لمحو ذلك ورسم الابتسامة في كل مكان ..
حلقتي اليوم ..أنا بالفعل متشوقة لها لأني لا أعلم عن ضيفي سوا القليل
ووجدت صعوبةً لأصوغ أسئلة تعنيه ...
رحبوا معي بـ
(ملهم)
بيسعدني وجدك اليوم ^ــ^
وعزرني ازا كترت أسئلتي Very Happy

بس مشان نتعرف عليك أكتر ..
وانا متأكده انك راح تكون متل ماوعدتني كتاب مفتوح

وراح ابدا بأول سؤال كالعادة I love you

شو رأيك بالبرنامج ؟ولو اني بعرف انو حلو ..هع هع
وشو اقتراحاتك ليصير احلى وشو الشي السلبي فيه ^ـــ^
أنا بدي أشكرك كتير على البرنامج الرائع وتل ماذكرت سابقا أنو يصير قسم خاص بالبرنامج
أول شي معلومات سطحيه حابه أعرفها عنك..
أبو شو بلا صغرة هههـ... أبو عبد الوهاب
عمرك ....17
من وين ...من سوريا حماة
انو صف ..مابدرس
كم عددك بين اخواتك؟الثالث
شو أكتر شي بتحب تعملو هوايه او بوقتك الفاضي ؟؟الرياضة
قلي حكمه أنت مؤمن فيا؟ الصبر مفتاح الفرج
شو بتتمنى تصير إذا كبرت ؟ كوافير رجالي حاليا
شو نقطه ضعفك ولو انو سؤال غريب؟ قلبي
شو مواصفات الشخص المثالي برأيك ؟ الأخلاق أهم الشئ
قبل هلأ قلت شي مرة ياريتني كنت كذا مثلا؟وليش؟<فهمت السؤال !
نعم كنت أتمى أن أصبح طيار لأني أبي وجدي كانو طيارين

في قصيده لنزار قباني الشاعر الكبير ..بتقول
‘‘أخاف أن تمطر الدنيا ولستِ معي…فمنذ رحتٍ وعندي عقدة المطر..كان الشتاء يغطيني بمعطفه..
فلا أفكر في برد ولا ضجري..‘‘
وجدت سابقاً أن هذه القصيده تعني لكَ شيأً ما !!لا أعلم ان كنت محقه
بس ممكن أعرف السبب اذا بتعنيلك ؟ مابتعنيلي شي
شو رأيك بالهروب ،،يعني شخص غالي يفارقك بدون أي سبب؟ عذاب حقيقي
وشو الأسباب الي ممكن لاسمح الله تصير وتخليك تعمل هالشي؟ الموت لاسمح الله

وين بتحب تقعد إذا كنت
زعلان / على كتف البرناوي
مصدوم/ بالبيت
فرحان/ هلق أذا كنت فرحان وين مابعرف بس وين مابروح بحس الدنيا كلا فرح
محطم/ بالمنزل

عطني رأيك بالـ
الخيانة / صعية
الكذب / يباح اذا كانت الكذبة بيضة بس بشع
الأحلام/ احتمال أن تتحقق
الصداقة / كل الحياة
وكعكه^ــ^/ أفضل مقدمة برامج

انكتب بتوقيعك..
"أحضنو الأيام لاتجري من ايدينا احلا ايام الهوى راحت علينا"
شو يعني ..؟؟ صراحة مابعرف
وشو هي ايام الهوى الي راحت عليك؟
بالنسبة ألي أيام الدراسة
قبل مرة قريت قصة بسيطه كتير ممكن تسمعها مني ..
‘‘ذات يوم سأل شخص حبيبته :ماذا تفعلين لو سمعتي أنني توفيت
قالت وهي ضاحكه تمازحه :سيكون أسعد يوم في حياتي
وفي اليوم التالي استيقظت الفتاة على خبر مصرع حبيبها ،،تاركاً لها وردة ومعها ورقه
كتب عليها : كنت سأفعل أي شيء لتكوني سعيدة .. Sad

....‘‘
لسا في حب هيك برأيك؟ نعم يوجد هيك حب
مو المهم الحب يكون بين بنت وشب بس ,,الإنسان بحب صديقو وأمو أهلو ..أي شخص قريب منو
بس برأيك لدرجه التضحية ..هيك ؟ لا
مو شرط نفس القصة يمكن هي خياليه بس ممكن نضحي لشخص منحبو كتير
مين الشخص الي أنت ممكن ضحي بحالك مشانو؟
أخي مكرم وحب حياتي
طبعاً طال الحديث وأكيد لسا في حكي كتير حابه انو نحكي ..
بس بعد مانروح لفاصل ونرجع ،،تفضل اشراب كاسة هالعصير لنرجع

تكبير الصورة تصغير الصورة تم تعديل ابعاد هذه الصورة. انقر هنا لمعاينتها بأبعادها الأصلية.
عضو على الهواء مباشره ^ـــ^ 2731

**********

مرحبا من جديد..مع ضيفنا لليوم ملهم

ممكن تشفلي هي الصورة

بتعرفها أكيد صورتك الرمزية لاحظت انو الحرف أحيانا جنب اسمك بتكتبو،،بالبدايه اتوقعت انو ملهم نك نيم بس ..والحرف اسمك الحقيقي
بس الظاهر للحرف قصة
حرف الــR،،شو بيعنيلك ..؟ومين صاحبو ؟
صاحبتو بنت وبيعنيلي انو حب حياتي
وكمان بدي اطلب منك تشفلي الصورة الي ظاهرة على الشاشة
عضو على الهواء مباشره ^ـــ^ B1icchayhncjwj5cqumotu1

أنا صراحة مابعرف ليش اخترتها يمكن لأنو الشتوية رجعت santa

بعد اذنك ،،بدي أي كلمتين ،،أو خاطره من سطرين ،،او عن شو بتعبر هالصورة ؟
الشتاء رائع

قبل هلأ أنا طرحت سؤال على ضيف بدي ارجع اطرحو عليك <بس لا تجاوب متلو أوعك عضو على الهواء مباشره ^ـــ^ 7348

هههههـ
قال تعالى : ( وقضى ربك ألا تعبدو الا اياه وبالوالدين احسانا اما يبلغن عندك الكبر ..) الى اخر الايه
بدي منك كلمة من البك بجد لأغلى شخصين بالدنيا أمك وأبوك ؟؟ أغلا شخصين عندي بس أن فقدت أحدهم
وبدي ضيف هاد السؤال
تناقشت قبل هلأ مع أحد والديك بموضوع ،،وصار نقاش جاد كتير وعصبت انت عليهون ؟بصراحة
نعم

قال تعالى {إِنَّمَا يُوفَّي الْصًّابِرُونَ آَجْرَهُم بِغِيْرِ حِسَابٍ}
كلنا منعرف انو الصبر مفتاح الفرج ..
احكيلي موقف او قصه باختصار صارت معك ..انت كنت صبوور كتير فيها؟ بصراحة مافي شي بالي
شو هو الحد الي ما بتعرف فيه الصبر ..؟
هلق بيقولو صبر أيوب وهاد أكتر شي من الصبر
قال تعآلى: { إِنَّهُ لاً يَايَّئَسُ مِن رَّوْحِ اللهِ إِلاَّ الْقَوْمُ الْكَافِرُونَ}
شو شعورك أو شو بتلهمك هالآيه الكريمه؟ ؟؟؟؟؟؟؟
هل كنت بيوم يائس؟وليش؟
بعمري ماعرفت اليأس
حابه ادخل بشي تاني يمكن دخلنا شوي بخصوصياتك ^ــ^
بدي تجاوب بـ نعم أو لا بس
هل حبيت من البك قبل هلأأ؟ نعم
هل كلام الناس لايعنيك ؟ لا
هل دعيت على احد بالموت قبل الآن؟ لا
هل عندك موبايل ؟ نعم:d
هل غرفتك لوحدك ولا معك حدا ؟ لا
في حدا أصدقائك بصراحة أغلى من عمار؟ نعم

بعرف انك بتكتب خواطر ،،ويعني ملهم بدك تكون اسم ع مسمى
بدي تحطلي خاطرة من كتابتك وانت بتحبا كتير ؟ عذرا أن مابكتب خواطر
وبدي تقلي معنى اسمك بالتفصيل ،،وهل انت بتحبو ؟لأسمك أسمي يعني الهام وهاد يلي بعرفو عن أسمي بصراحة

مين أكتر المغنين بتحبون وبتحس انو اصوات واغاني فنانه بحق؟
حورج وسوف
سمعت شي غنية جمهوريه ألبي لمحمد اسكندر
أكيد أي ع الاغلب لانها صرعت الدنيا هههههـ
شو رأيك بأنو المرأه تشتغل لتساعد بالمصروف..؟ أن مع هالشي
أو حتى لو مافي حاجه لتساعد ،، تشتغل هيك لتحس حالها عم تفيد المجتمع ؟ نعم
في ناس ماعجبون حكي الغنيه واجهوها بشكل غريب وعملو قصة ..
^^أنت شورأيك بالغنيه ؟ حميلة نوعا ما

لمين بتهدي ..؟؟
ورده بيضا/ أبي
وردة حمرا/ حبي
نظرة شفقه/ للمسكين
نظرة أمل/ لأصدقائي

موقف مضحك صار معك ممكن تذكره؟ مرة من المراة كنا أنا والشاب عم ندرج وشفنا شخص عم يعلم شخص ثاني قيادة السيارة وحبت أن أحكي للشاب شو كان عم يقول الاول لثاني وفرطت ضحك أن وياهن
رد ضحكك كتير بالمنتدى ؟
قصة المجدرة يلي لهلق ماستويت وان جاهز للعزيمةبس حددو وقت

بعد كلشي عرفنا عن شخصيتك
أنت شوف بتشوف حالك.. أومين أنت من هالدنيا ،،ممكن تحكيلي على ملهم بكم كلمة ..؟
ملهم شب طموح حباب طيوب شاب رياضي متقلب المزاج (مداح نفسو كذاب)

وصلنا أحبابي لنهاية حلقتنا لليوم
أنا فرحت بلقائي مع ملهم
وكان حلقه ممتعه
بوعدكون بلقاء جديد ،،بعد العيد ان شا الله ..
بتمنالكم عطله ،،وعيد اضحى مبارك ..
كل عام وأنتم بألف خير وعيد أضحى مبارك
..::ملاحظـــة::..
1-هي كل الحلقة وسوري انو انعرضت بغير يوم
اعتبرو انو كان في مباراة وماقدرنا نعرض بنامجي ههههههـ
2- انووو الي بدو يعلق ع الأسئله نو بربلم (خاصة بسكوته في سؤال حاسة انو راح يعجبها خخخ)
3- اربعاء الجاية مافي حلقه بدي عيد ههه الا ازا حابين نعمل لقاء مع أطفال الشوارع في العيد خخخ

MOLHAM
بعتذر عن عدم تنسق الحلقة الماضية

مشكووووووووور Neutral

ما انفش قهري لا من بعيد ولا من قريب .. بدينك كعكتي .. بدينك شلون ردي انا ؟ ما عاد اسكت .. تقليلي اسكتي يا بسكوتة سكتي يا بنتي .. عبث .. ايه .. سبحان الله
يمكن رد وحيد عنجد عنجد عجبني كتير .. ( بعمري ماعرفت اليأس) .. ومشكور كتير .. بس اطلاقا اطلاقا ما عرفنا ولا شي زيادة عن حياتو .. ولا اي شي ... ما بعرف .. ستي الله يسر للجميع وينولن الي بالن ويقدرلن الخير فيه Razz

مشكورة كتير كعكة جد مشكورة الموضوع اكثر من روعة لازم يكون الو اهتمام اكتر واكتر ولازم تطلعي مذيعة اخر الشي ماشالله عنك يا البو وملهم نشالله حياتك تكون بلا يأس بنوب يارب وصح نحن ما عرفنا كتير عن ملهم وحياتو وكذا بس مشكور على جهودك بالكتابة مشكورين

ملهم
منور مشكور على الردود
هههههه

بسكوته
هههه روئي يا روحي روئي
مع هالاعضاء لازم الواحد يطول بالو
ليكني كنت عصب كتير بس لا صار بالي طويل هههههـ
مزح ولو لاحدا يزعل
بعدين ازا انتي عصبتي انا لازم انتفف شعر راسي ههههههه
وانا عرفت عنو صراحة اجوبتو حلوه
بتععرفي شو عرفت عنو انو عندو اخ اسمو مكرم خخخخخخ
منووره

بطاطا
ايه النور دا كلوو ايه النور دا كلو
والله منووره يا البوو
اي شو منا نساوي
ان شا الله بيصير الو اهتمام ،،،

انو بعد العييييد مين بدكون !!
^^بطوطه

» مكيفات الهواء خطر يهدد الصحة