مواصفات الشب السوري

بيحمل باكيت الدخان والموبايل ومفاتيح السيارة (أو البيت إزا مافي سيارة) والقداحة

والبوكت مونيه كللللللون بإيد... والسيجارة بالإيد التانية
كيف بيساعو ما حدا يسأل
لما بيسوق بيرجّع المقعد لورا عل أخير وبينجعص وبيطبّق البنات والشباك نص فتحة

لما بيسوق بيطلع إيدو من الشباك وطبعاً السيجارة موجودة على طول

بيلبس بوط مبوّز من إدّام

وين ما قعد دغري بينجعص

البوكت مونّي على طول (مطنبر) بالجيبة الورانية

لما يحكي مع بنت على التلفون بيبلش يناديلها: إيه حبيبي من أول تلفون

ولا تقولو لااااااااااء... كلكون بتعملوها

لما بيجي عل إمارات ما بيشتري إلا مارسيدس أو بي إم وبيضل يقسّط حقها شي 10 سنين
يعني معو عقدة البي إم والمارسيدس


الشب السوري بمراهقته ولوقت ما بيخلص دراسة ما بيخلي بنت من شره وبس بده يتجوز

بيدور ع وحدة عمرها 16 سنة!

الشب السوري أول ما بيحكي مع البنت بيصير بدو يلبّسها على كيفو ويمشيها على كيفو

وبيصير بدو ياها تاخد إذنو أبل ما تروح لأي مكان...

الشب السوري بيخبّص ليشبع مع كل بنات الحارة وبس يتجوز بيروح لعند إمو تنقيلو

عروس مو بايس تمها غير إمها منشان يربيها على كيفو

الشب السوري بيفكر حالو أفهم واحد بالعالم وما بتفوتو الفايتة

الشب السوري يا حبيباتي...لما يشوف بنت روسية بتشط ريالتو وبيسكّر مخو وما عاد بيطسّ

إدّامو وبيبطّل يجمّع

الشب السوري يا حبيباتي لما بيكون قاعد بشي كافيه وبنت بتمرء من جنبو بيضل يشئلها من

فووووووووووء لتحت لحتى توصّل على بيتها

وطبعاّ وهو منجعص والأركيلة بإيد والموبايل بلإيد التانية..!!!؟؟؟
بتمنى تعجبكن وشــــــكـــــــــــــرا
شباب ما حدايقوسني الله وكيلكن منقوووووووووووووووووووووووووووووووول

ههههههههههههههههههههههههههـ

ليش ليوقسوك

الإعتراف بالحق فضيله ملهم

ههههههه

واللــــه الموضوع كلو صح ومافي ولا كلمة غلط

مو نسيان شي

كلون هيك الشباب

مشكور ملهم

خلص بحمايتي محدا بيقوسك هههههههههههههههههه

لا تقوسو ياجماعة خخخخخ

ههههههههههه الموضوع حلو بس يا صبايا مو كل شي صح و لا تنسو انو الشباب فيهون شي منيح شكرا عالمرور الجميل

اي اكيد ... بس 99 ,99 صح ^_^

طيب الي برأيو انو في شي مو صح يكتبه....لأنه بالله ما عم لاقي ولا شي غلط ههههههههههههههه ^_^

ههههههههه الموضوع كتير حلو بس انشاالله مو كل شي يكون صح لعمى هلأ بيرتفع ضغطي اذا كان اللي كاتبو كلو صح

ههههههههههههههههه حبيبتي لا يرتفع ضغطك بس اللاحة كلو صح ^.^

ولي ولي شو كلو صح بلا ماانجلط هلأ