أنواع العنف الممارس ضد الطفل السوري

العنف منذ الصغر


أول
درس في العنف لما كنا صغار هو غرفة الفيران...وكانت أول درس في ثقافة
العنف المكتسبة .. الغرفة الوهمية إلي كانو يهددونا فيا بالمدرسة يعني
كلام الانسة إللي بدي أسمعو عم يحكي بدي حطو بغرفة الفيران


كمان العنف النفسي اللي كان يمارس من قبل الأهل


يعني الكلمات اللي كنا نسمعا دائماً


مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ..................الخ


في مصطلحات عنف كانت تعتمد على الطب


والله
لشيل عيونك - والله لطير راساك - يشوفك الحكيم ويهز براسه - والله لأقرف
رقبتك وحملك ياها - والله لأقص عصبك ( أو لسانك أو إيدك ) لا فرق


في عنف مشتق من الكلام الوطني


والله لأطرأك كف خلي سنانك تمشي مسيرة قدامك


في عنف مشتق من الحيوانات


والله لخليك تقاقي ماتلاقي - والله لخليك تعوّي متل الكلاب


وفي عنف رومانسي


والله لفرجيك نجوم الضهر اللي صارت معروفة عنا أكتر من نجوم الليل


في عنف دبلوماسي أكيد عرفتوا


هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك


وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....


بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص


كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال


حتى صار عنا عنف باعترافاتنا العاطفية


يعني اذا حبينا حدا منقلو.. تقبر قلبي - تطلع على قبري وغيرو كتير من


المفردات الي مليانة عنف


من يومين بالشغل تناقشنا حول الفكرة التالية: الغنية الي بتقول: يلا تنام ويلا تنام لدبحلك طير الحمام


تخيل
انك عم تنيم ولد صغير عالغنية فيا دبح حمامة و بعدين ما منكتفي بانو نقلو
ادبحلك طير الحمام رح نقلو روح يا حمام لا تخافي انا عم اضحك على ****
يعني منبلش بالدبح و مننتهي بالكذب و المراوغة

ههههههههههههههههههههههههه
بس برأيك ما انتهى هداك العصر , يعني اكيد لسى في ناس هيك بس قلال صح ؟!
شكرا ع الطرح الحلو

هههههههههههههههههههه فلك شي .. اكتشفت ان اهلي ما خلو طفولتي تكون هيك .. جد ما بتذكر يوم من الايام حدا وجهلي كلمة .. الاااااا تؤبري البي .. يؤبرو البي اهلي هاد مو عنف هاد ذل الهن انا شو ما عملتلن قليل ... وصدقني الي عم تحكو عنو .. بدون السب والتحشيك طبعا ... هو احلى طفولة ..
يلا تنام يلا تنام .. لادبحلك طير الحمام ... روح يا حمام لا تصدق .. بضحك ع ..... لتنام ...
و.... / ....... الحندئة ... شعرك اشقر ومنئى ... والي بيحبا ببوسا والي بغضا شو بيترقى ..
يا الللللللللللللللله اديش هيك حركتولي مشاعري .. من شوي كنت عم غني هالغنية لبنت اخي .. والي كان اخي نفسو يغنيلي ياها انا وصغيرة هو واخواتي ... يؤبرو البي .. وصدقني .. موضوع ما حلو ... موضوع رااااااااااااااااااااااااااااااااااااااااااااااااااااااااااائع مع ان كان قصدك فيه ضحك ..
مشكووووووووووووووووووووور ^_^

شو هاد لو كنت هيك وانا وصغير لكنت هلق شي مجرم

ههههههههه اي والله

بسكوتة بلشتي تعطي علي ما كأنو هيك

مشكور عالموضوع بس تؤبري ألبي كلمة بيتدل عالمحبة يعني نحن منقولا للي منحبن وما قصدنا فيا عنف أو اي شي

ما فهمت شي ....... هههههههههههه شو عم احكي انا ..^.^
مشكورين عالرد .. مروم تؤبري البي ... تشكلي اسي .. تكفنيني .. ( هههههه لا تفكري عم قولا من المحبة انا عم عنفك هلأ ههههههههههههههههههههه )