من مبدأ ومنطلق الابتكار خير من التقليد .. وتحت شعار لا للاقتباس والنقل .. أمركن لله اتحملوا سخافة هالنكت اللي حبيت ألفها .. وأنا واثق أنكن رح تنصحوني أعدل عن قراري وأرجع لرشدي .. رشدي أباظة .. واليكم الوجبة الأولى :
- واحد من كتر ما بيلعي .. راح لعند الحلاق ومدله لسانه وقله : سشوار ماحلهن يطولوا
- عضو منتدى فاق الصبح لقا مرته عاملتله قهوة قام قلها : يسلمووووووووووووو مشكووووووووووووووووووررررررة
- عضو منتدى جديد فرد كركيبه على برطوشة باب الغرفة قام اضطرت اخته تمرق من فوقه لتفوت ع الغرفة .. قام قلها يسلمووو ع المرور
بعد شوي اجا اخوه الصغير وفشخ من فوقه قام سفقله حنكه برجله مو بقصده .. قام قله تقبل مروري ..
- عضو منتدى عم يتغدى مع مرته سألته كيف طالع الأكل قلها رووووووووعة
- عضو منتدى أبوه طلق أمه .. الأم بعتت معه كلام يوصله لأبوه قام بعد ماوصله الكلام لأبوه قله للأمانة منقول .
- نفسه هدا العضو ابوه بعت معه الرد على كلام امه وقلو روح وصلها ياه قام لما شاف الكلام قاسي وبيجرحها وصلها ياه مشلبن وقلها منقول بتصرف .